吳浩康（Deep）上月演唱會前接受周國豐、伍仲衡的網上節目訪問，談及昔日同門張致恒（Steven）時突然「爆Seed」說「佢老婆唔好搞佢得唔得呀？唔好公開搞，匿埋搞，畀啲空間佢搵吓食」。事後有報道指張致恒老婆區燕雯（雯雯）不滿，在社交平台發文稱「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯」。事隔半個月，雯雯突然在Ig限時動態發文反駁吳浩康。
她說︰「我冇咁無聊搞任何人，正正常常一段婚姻，點解會搞成咁，唔會冇原因，只係我乜嘢都放晒喺塊面，唔識演啫！我唔會因為任何人滑雪話去改變我最初嘅自己，只可以講我要做一個懂得體諒嘅老婆，5年乜都做晒，我唔會再畀自己受任何委屈！如果要話我搞到自己老公事業冇咗，咁不如話五年時間，佢冇好好去反省同改變好自己，不斷重複自己嘅錯誤，先會導致到今日發生嘅事。冇人可以體會到五年發生過嘅事，亦冇人可以評論任何當中嘅細節，只可以講，多謝大家關心，如果我做嘅嘢係咁惡劣，我隨時歡迎我另一半同我離婚。希望下半年，不公開自己情緒，低調，可以換來兒子、狗狗健健康康，從此遠離複雜嘅世界」
