梁朝偉和劉嘉玲拍拖亮相「亞洲電影大獎」紅地氈，嘉玲對老公朝偉冧莊充滿信心，她說：「梗係有，不過其他（角逐）男主角都做得出色，應該鼓勵其他演員。」問偉仔會否盼望跟新生代幕前及幕後合作？他說：「我自己唔會特登，唔係你想就得，緣分嚟嘅時候，會有機會合作，交畀緣分。」
梁朝偉憑《金手指》角逐影帝，不過他直言沒有信心：「今年真係冇乜信心，所有戲我都睇晒，每個演員都好出色，吳慷仁《富都青年》好出色，役所廣司我係佢粉絲，我覺得黑馬係黃政民，而沈騰好出色喜劇演員，我唔係謙，今年甘拜下風。」問偉仔會否跟劉嘉玲合作拍戲，嘉玲說：「唔係完全冇可能，睇緣分，但𠵱家唔係咁OK。」
