泳兒告別沉重主題 轉玩Band Sound 新歌諷刺人比鬼更可怕 (15:32)

文章日期:2024年03月18日

泳兒去年完成「祝福三部曲」,今年泳兒在音樂方面展開全新篇章,與不同樂隊班底合作,以靈魂人物身分作主導。

告別過去幾年沉重主題,同時亦告別招牌金髮,泳衣將髮色染回黑色,她想將自己真實生活、性格呈現,例如喜歡看鬼片,卻又很怕鬼,她說:「以前覺得歌曲主題一定要好有深度,只有填詞人先諗到,但經過前幾年磨練,創作團隊成日叫我分享多啲感受,唔好覺得細微細眼嘅嘢唔重要。歌手就好似一面鏡,反映聽眾感受,我嘅性格時動時靜,驚孤獨,但係又需要私人空間。」

至於跟樂隊合作,Vincy坦言自己音樂路上,Band Sound是鮮有接觸一部分:「想打破舊有概念,希望同唔同樂隊合作,發掘呢一塊我未開發嘅砌圖。好似2021年我同per se合作,聽到有感覺嘅樂隊,我會直接約見面。」

今年泳兒首支派台作品《撞到正》,是與Nowhere Boys合作,Nowhere Boys的音樂充滿電影感,也一直希望以恐怖片作題材,跟這次想探討「鬼」的Vincy一拍即合。為了展現Vincy有趣及鮮為人知的一面,Nowhere Boys以電影《回魂夜》作藍本,加上電玩遊戲《孖寶兄弟》鬼屋聲效,用可愛黑色幽默風格為歌曲定調,加上小克的詞,諷刺人比鬼更可怕。

Vincy有留意Nowhere Boys作品,同樣是畫面感十足,雙方一拍即合:「初頭聽Demo已經好鍾意,因為畫面好強烈同細緻,𠵱家好有挑戰性,特別係Verse,歌詞好密,音域好闊。搵小克填詞,係因為好鍾意佢近幾年探討人間同靈界作品。鬼同我哋嘅Channel唔同,人類未必見到,我哋對鬼嘅恐懼,大部分嚟自電影同鬼故,但諗深一層,當你遇到同自己唔同Channel嘅人,有時唔單止冇得避,而且仲要同佢哋共存,其實都幾恐怖。」

(即時娛樂)

 

相關字詞﹕撞到正 泳兒 小克