再見‧枕邊人|林秀怡演單親媽媽 讚劇本對白感人易入戲 拍攝時生人勿近 (16:01)

文章日期:2024年03月21日

無綫劇《再見‧枕邊人》昨晚(20日)劇情講述志騫(劉宸熙飾)好友、Bosco(陳穎朗飾)因先天身體缺磷,患上XLH罕見病住院,1年醫藥費近200萬元,揹負巨額醫藥費的單親媽媽Coco(林秀怡飾),欲找Bosco生父索取金錢,遭「最強心機女公關」Rachel(張曦雯飾)攔截。惟Bosco病情愈來愈嚴重,Coco逼於無奈向鄰居、「流氓律師」金長勝(羅天宇飾)道出Bosco生父為財閥「大凌生」凌頌恆(張國強飾);Rachel指控Coco違反保密協議,「流氓律師」金長勝(羅天宇飾)決心要為她討回公道。

林秀怡在多場戲分將母愛擔憂的情感,演繹得入心入肺,看到網民直呼虐心,她曾在2021年劇情《欺詐劇團》扮演單親媽媽,對比今次角色,雖然同為人母,但林秀怡預告Coco是藏著秘密的單親媽媽:「雖然都係單親媽咪,但係兩者嘅性格都好唔同,一個係好藝術家嘅人,一個係為生活馬死落地行,咩都要做嘅人。後者做嘅每一樣嘢都有個原因,而唯一嘅原因就係要搵錢,養大個小朋友,仲要有啲嘢令佢好似畀人偷咗人生咁。」

林秀怡每次拍劇均會為角色下苦功,並於看完整個劇本後,細心分析角色變化及可能性:「今次我做功課時有作一個故事畀Coco,等自己對人物設定再清晰啲。我仲有為Coco設計同唔同人相處時有咩唔同嘅演繹,所以其實Coco個性格同情緒好多變化。」秀怡續指由於劇本對白寫得感人,讓她容易入戲,甚至喊到收唔到聲,連現場演員也不敢打擾她。

(即時娛樂)

相關字詞﹕再見‧枕邊人 林秀怡