泳兒街頭派利市宣傳新歌 笑網民現實全部都係貪錢鬼 (17:53)

文章日期:2024年03月21日

泳兒(Vincy)日前宣傳新歌《撞到正》,跟網上平台即興到旺角與網民玩尋寶遊戲。Vincy去到遊戲地點後,在Ig公布尋寶時間及地點等資訊,然後便等待有緣人,當有緣人見到Vincy並說出暗號「我撞到正泳兒,你真係好鬼正」,便可以獲得100元利市。尋寶遊戲共有3場,Vincy早前已於旺角進行第1場,在短短半小時內派出30封利市,反應熱烈。

她笑說︰「感受到大家非常現實,全部都係為咗錢過嚟。我首歌係講人比鬼更可怕,原來係真嘅,全部都係貪錢鬼,哈哈﹗本身諗住宣傳首歌,但係大家一嚟到,我問佢哋搵邊個,佢哋就話『搵錢』,笑死我。不過,最緊要大家開心,攞完錢都聽吓我首新歌。我喺Ig Story寫嘅口號係要講『我撞到正泳兒,你真係好鬼正』,但好多人都冇留心睇啲文字,全部講錯晒,哈哈。不過,唔緊要啦,志在參與,我哋都有畀獎。」

第2及第3場尋寶遊戲將於明天(22日)及周日(24日)進行。Vincy被問到如何部署時說︰「因為金額將會提升,我要堅守遊戲規則,一定要講啱暗號至會派獎金。我唔可以咁心軟,同埋難度會提升。我會諗吓有啲乜嘢難題去問大家。如果要拎錢,就要留心睇吓我哋嘅遊戲規則。」

(即時娛樂)

相關字詞﹕泳兒