黃子華主演的電影《毒舌大狀》在今晚（14日）舉行的「第四十二屆香港電影金像獎」奪得「最佳電影」。《毒舌大狀》在今屆金像獎獲得10項提名，但最後只得一個獎，失落影帝的黃子華在台上致辭時一度哽咽，他說︰「我頭先喺頒『最佳男主角』嘅時候諗，如果我有機會上台嘅話，我只會講一樣嘢，牡丹雖好，都要有綠葉扶持。我哋演員只係綠葉，最重要係創作嗰個人，我哋嘅導演。我睇住阿Jack（吳煒倫）係每一個字每一句都同我哋嘅法律顧問斟酌，去『炒』出嚟。今晚由頭到尾，我哋一個獎都冇。我係好想如果我當時攞到獎，我會同佢講，我將我今晚呢個獎送畀你，但係依家有更好嘅結果出咗，多謝大家﹗」
