ERROR成員何啟華（阿Dee）被黃子華大讚是影壇生力軍，拍片量比他多，所以子華要自認新人，阿Dee搞笑回應：「我只係影壇小幼苗，正在生長中，仲未脫離植物生活。」他笑言作為幼苗要爭氣，拍電影追求有質素，又盼望能原班人馬再合作，因為班底有齊老中青幾代，大家可以互補，拍什麼題材都有可觀性，問到覺得誰最老？他笑說：「誰人沒有來？栢天男啦，他滿面鬍鬚。」
談到有份主演的《毒舌大狀》取得好成績，有沒有帶挈他加片酬？他笑言：「好呀，睇公司肯唔肯，其實拍戲唔係為搵錢，拍廣告先搵錢，拍戲好辛苦，大家都拍到爆腎爛肝，少一啲夢想都做唔到電影業，呢行要先感動自己才感動別人。」
相關新聞：金像獎｜黃子華失落影帝心情愉快 冇演《飯戲2》稱「撞唔啱」
