可宜與甲一籃球運動員鄭錦興2021年結婚，去年11月宣布已懷孕4個月，將「升呢」成為爸爸媽媽。可宜今天（4日）凌晨在社交平台分享全家福，表示兒子George Mitchell Cheng已平安出世，重7磅2盎司。
她說︰「Baby George喺香港港安醫院—荃灣平安出世啦﹗回想BB出世一刻真係好感動，好多謝婦產科張智醫生好快手又安全咁拎BB出嚟（好記得臨開刀前，我仲捉住醫生隻手話：好驚啊）。一出世個仔就喊得超級大聲，但最驚嚇都係見到佢個樣十級似爸爸，個口仲要大過我...... 好彩依家都慢慢開始似我，特別係對眼。」
可宜感謝照顧她及兒子的醫護人員，透露初生兒子接受檢查後，兒科醫生指他的手腳所有部位都特別大。她最後感謝母親及丈夫︰「最惜我嘅媽咪，由生產嗰日開始寸步不離照顧我。最後當然多謝我老公，由成個孕期到BB出世都將我服侍到成個女王咁。」
