男團MIRROR連續4年奪得CHILL CLUB頒獎禮年度組合獎，隊長楊樂文（Lokman）表示團隊工作了1年得到肯定，十分開心。姜濤亦表示得獎很開心，問可認為新增獎項，特別為他而設？他說：「冇考慮過呢一點，其實任何獎項都好，有都係好好肯定。」
今年不少獎項都取消金銀銅獎，問姜濤可覺得受影響，他表示：「冇乜所謂，講真邊一個攞獎，我都好戥佢開心，作為歌手做好本分，唱好我哋嘅歌就得，獎項嘅嘢交畀專業主辦去做，我冇資格去講應唔應該。」
盧瀚霆成為團隊中的大贏家，他說：「有獎攞當然開心，多謝投票畀我我嘅『神徒』（粉絲暱稱），仲有多謝過往喺音樂上幫過我嘅工作單位同前輩，喺台上好少時間，唔能夠講晒出嚟。」對於連續第3年膺年度男歌手獎，他說：「冇話要連續唔連續嘅，每年變化都好大，有得攞獎已經係bonus。」
相關新聞：姜濤呻做跳唱歌手不容易 自嘲表情管理失控：我要冷氣
