小肥入行17年 下月生日麥花臣場館舉行2場個唱 (13:25)

文章日期:2024年05月14日

今年是小肥(徐智勇)入行17年,6月13日是小肥生日,他將於旺角麥花臣場館,舉行一連兩場(6月13及14日)《小肥「完全變態」演唱會》,演唱會優先訂票由明天(15日)至19日。

今次小肥演唱會取名「完全變態」,當中的「變態」意思,並非罵人亦非改造,而是更進一步呈現,分享破繭而出百分百的自己,小肥說:「『完全變態』係我讀書上科學堂時認識嘅學名,係形容由蟲破繭變成蝴蝶,完成最終形態嘅階段,讀書時已經好鍾意呢個名,大學project就曾經用過,但掛係自己個騷,我覺得自己未掛得起,但係我覺得今時今日嘅可以,令大家認識到真正嘅小肥,所以就用咗做演唱會名。」

演唱會音樂總監方面,將由小肥好友結他達人Jason Kui主理,整個音樂格調及處理手法,將與過往的小肥演唱會有明顯分別,無論新舊作品,將有全新體驗;同時配合演唱會,小肥亦推出新專輯,當中有6首新歌,每首歌代表一種顏色,形成一條6種顏色的彩虹,小肥說:「想呈現的彩虹其實係代表LGBT(同志群體總稱)的一種精神,每隻色代表緊一種意義,剛推出的新歌《大巡遊》就係橙色,代表一種集體展現力量,後面會陸續出現不同顏色代表不同歌曲。」

歌曲上小肥想讓樂迷耳目一新,演唱會造型方面也不例外,單看小肥今次演唱會海報,化上眼妝、塗了紅唇,服裝彩色斑斕,表情輕鬆自我,開心高歌,小肥說:「係呀!不過又或者大家唔係好認識真正小肥!講真,係出櫃前,我都唔係好認識自己,但出櫃後,愈來愈認識,介紹埋畀大家認識呢個新小肥。」

選在生日開騷,小肥笑指是多年老死兼拍檔鍾楚霖最愛,繼早年在他生日澳門辦簽唱會,順道為他慶祝後,今年就提議他生日開演唱會,小肥想了想,又覺得都是一個與眾同樂,避開年齡增長、展現他的活力的好機會,於是落實舉行了今次生日音樂會。

(即時娛樂)

相關字詞﹕小肥 完全變態 徐智勇