方力申再做廚藝節目嘆終有口福 黃翠如預告老公上節目挑戰 (19:52)

文章日期:2024年05月17日

曾主持《美女廚房》的方力申(小方)相隔18年再做廚藝節目主持,伙拍黃翠如主持廚藝比併節目《拍檔廚房》。兩人今日聯同嘉賓徐榮、張曦雯一同錄影,方力申表示再主持廚藝節目的感覺跟上次不同︰「以前做《美女廚房》,好多人煮嘅食物都食唔落口,但今次有真廚師,大家有口福﹗我今次唔使搞笑、又唔使落手落腳做或者畀食評、計分,只負責用口去講。」他表示平日的飲食均由母親負責,覺得現今女性不一定廚藝好才是賢內助,男性會入廚亦未必有分加。黃翠如不同意︰「唔係,男仔識煮係會加分﹗」她透露丈夫蕭正楠將以嘉賓身分現身挑戰廚藝,聯同兩人相識多年的食店老闆煮酸菜魚。黃翠如說︰「老公表面好似好有信心,未開始練習。平日都係佢煮飯,但佢多數煮碟頭飯。」

徐榮、張曦雯要在限時5分鐘內煮出美食。徐榮入行前曾當廚師,但現在家裏三餐均由太太負責。他說︰「我有時會為個女整飯盒,但佢一定彈,唔係嫌唔好味,就係話整得唔靚。大仔喺外國讀書,佢識煮食。」徐榮透露近日再做老闆,與朋友合資6位數開火鍋店。他自爆幾年前曾開補習社,後來受疫情影響而結業。張曦雯說平日少入廚,但每次下廚都獲男友讚好味。她又表示有興趣做生意,曾想開食肆或裝修公司,惟工作繁忙沒時間親自打理,因此尚未成事。

(即時娛樂)

相關字詞﹕方力申 黃翠 徐榮 張曦雯