相隔13年再出新歌的裕美，今日（17日）現身新城廣播接受《勁爆樂勢力》黎莉錄音訪問，她表示新歌《最佳女友的自我修養》以6位數字自資，推出日子特登選擇5月13日，記著13年後再出歌。
問到男友林作是否背後大老闆？她即踢爆對方：「佢連50元買咖啡錢都會追數，不過我鍾意！」家用呢？她即瀟灑說：「都唔使啦，佢話男人畀家用好傻，行西方文化，我都唔想有家用，如果有家用佢就係我老闆，呢首歌我獨資。」
已有13年沒有到電台，她表示充滿回憶殺，好開心又好多人陪她傾偈，她笑說：「不經不覺到咗中年，仲可以出歌，全賴網民封我為最佳女朋友。我落足心機做歌。」
