神耆小子|樊亦敏一集連換5套衫 極速完成歌曲錄音爆笑料 (13:58)

文章日期:2024年05月18日

TVB劇集《神耆小子》昨晚(17日)一集講述向來不咬弦的玫瑰(樊亦敏飾)和繼來(曹永廉飾)難得合作,玫瑰出盡力幫繼來Sell宣傳方案,惟天性多疑的大海(鄭則士,Kent飾)懷疑二人扯貓尾,堅定否決宣傳方案。大海知道了玫瑰和小鮮肉Jack(吳子冲飾)已分手後,因念舊情決定原諒玫瑰,約她重回初次邂逅的舞廳。曾是歌手的玫瑰為大海冧唱《甜蜜蜜》,勾起大海對亡妻的思念及與玫瑰的邂逅經過。兩人浪漫共舞,場面溫馨。玫瑰的出軌風波似告一段落,原來她與Jack只是扮分手,她更買樓給Jack。

樊亦敏在昨晚一集共換上5套閃令令歌衫,加上一頭大波浪髮型,懷舊味十足。她說︰「我喺呢場戲換咗好多套衫,但我就比較鍾意洪玫瑰現代個造型,短頭髮感覺清新,同平時比較唔同啲。」至於與鄭則士浪漫共舞,樊亦敏表示︰「同Kent哥呢隻舞好浪漫,其實我哋事前冇排過,拍攝時即場發揮。」她在劇中獻唱《甜蜜蜜》,樊亦敏透露錄音當日獲《中年好聲音》羅啟豪陪伴︰「羅啟豪陪我去錄,佢特別嚟同我打氣。」她說當日只花了10多分鐘就錄完,更趁機戲弄監製,令他以為自己唱得很難聽,要擇日再錄。樊亦敏續說︰「多謝佢哋畀信心我錄呢隻歌,亦都好多謝羅啟豪陪我錄呢隻歌,希望大家鍾意。」

(即時娛樂)

相關字詞﹕神耆小子 樊亦敏