無綫劇《神耆小子》昨晚（22日）一集，冼靖峰（Archie）和羅毓儀（Yuki）的感情大躍進。劇情講到多多（Yuki飾）吃了魚子醬導致敏感，她原本想邀請一鳴（Archie飾）上屋企陪她，惟一鳴斷言拒絕，多多只好另覓阿邦（鄒兆霆飾）陪伴，阿邦欲對多多霸王硬上弓，住在隔壁的一鳴聽到多多呼救，即時破門營救，上演英雄救美戲碼，兩人甜蜜對望，配以Archie和Yuki合唱《難得有情人》，浪漫滿屋！
一鳴聽到多多食物敏感背後可憐故事後，即出動「暖男三式」冧對方。第一式，一鳴先是承諾多多會照顧她：「以後你發現自己食物敏感時就即刻搵我，第一我知道敏感個樣係點，唔會畀你嚇親，第二我知道你啲藥放喺邊，可以即刻搵畀你，第三我住你屋企隔籬，可以即刻撲過嚟救你。」第二式，一鳴為多多設計了「專屬求救Sticker」；第三式，一鳴化身「人肉攬枕」陪多多看電視，多多挽住一鳴手臂入眠，冧豬指數爆燈。Archie和Yuki組成的「一多CP」深受網民喜愛，讚2人非常匹配。
