關智斌巡迴演唱會被封雨神 廣州站演出前刮龍捲風 (23:18)

文章日期:2024年05月30日

關智斌(Kenny)首個巡迴演唱會《關智斌時光機巡迴音樂會》日前於北京舉行最後一站,Kenny為歌迷送上驚喜,以「限定金毛look」現身,歌單更是精心挑選,由跳唱《LALA世界》、《一起喝采》到《眼紅館》、《日月》等,為觀眾帶來一場極具視聽的音樂盛宴。

Kenny近半年都在進行巡迴演出,先後完成中山、佛山、上海、廣州、成都及北京站。Kenny表示完成這六站的巡演是一個很大的學習過程。他自言甚少製作演唱會經驗,因此在籌備的過程中遇上不少挑戰,如何編排歌曲、音樂製作、找適合的樂隊等。他說:「整個演唱會唔單止唱幾首歌,要演唱會好流暢,要有起承轉合、主題、中間點樣同觀眾互動等等,呢啲係我喺《披荊斬棘的哥哥》呢個節目入面學番嚟,學到點樣帶動觀眾嘅情緒,完全沉醉喺個氛圍入面。我目標好明確,我只係想我每一首歌都帶到一個意思,可以令到佢哋離開嘅時候都會回味。」

提到難忘事,Kenny稱每一場都難忘,如上海一站。巡演期間Kenny因工作關係需要飛到瑞士出席活動,活動完後便要趕到上海:「Jetlag都未完全回復過嚟嘅時候,就已經要去表演,都擔心自己嘅精神狀態唔好。」不過,最大挑戰是「天氣不似預期」,Kenny也表示要認命:「我每一次開show嗰個地方都會落雨,我未去之前嗰個地方係陽光普照天氣好好,但到我一開show就會傾盆大雨,第二日又好天喇喎!所以呢一樣嘢我係幾深刻,深刻嘅係因為我都好擔心令到粉絲好辛苦好奔波。」特別是廣州一站,開騷當日大暴雨加上龍捲風,粉絲在場外準備的種種應援物都要收起。他說:「有好多人因為要趕車、趕飛機,好多延誤,令到佢哋失咗好多預算,甚至淋雨淋到成身濕晒,呢個我係幾心痛,因為我知道好多都係女仔,嚟到都唔容易,希望我下次去開騷嘅場館,出面會有多啲地方可以畀觀眾避雨啦。」

(即時娛樂)

相關字詞﹕關智斌