雲浩影（Cloud）近日化身「眼鏡娘」，拍攝日本手造眼鏡宣傳照，並以黑白配造型登場！Cloud興奮說：「好開心，我平時都係戴眼鏡，今次終於有機會同『眼鏡』開工，眼鏡對我嚟講，係最好伙伴，因為佢夠輕身，由起身嗰刻到臨瞓前都需要佢，雖然𠵱家工作時，多數戴隱形眼鏡，但當我想畀大家睇到唔同感覺時，又用眼鏡襯唔同造型。」
Cloud透露自己小學三年級時，加入戴眼鏡行列，她笑謂大部分人兒時都有怪念頭：「細個嗰陣，唔知點解覺得戴眼鏡好有型，好似特別斯文，同埋讀書會特別叻咁。嗰時都開始有『靚』呢個概念 ，以為自己戴眼鏡會好睇，點知揀咗一副好薯嘅眼鏡，嗰陣每日都唔想戴眼鏡，好醜怪，𠵱家諗番其實嗰時自己唔識揀啫 。」
問到Cloud將來擇偶條件，可會為「眼鏡男」加分？Cloud笑說：「如果斯文得嚟又有型咁戴眼鏡都會加分，𠵱家想做嘢行先，唔諗咁多住。」
