COLLAR成員芯駖觸傷舊患 痛到行唔郁兼標眼水 (16:19)

文章日期:2024年06月03日

女團COLLAR前晚(1日)參與《第六屆KKBOX香港風雲榜》演出,成員李芯駖腰傷未癒仍帶傷上陣,落台後由經理人扶入後台休息,觀察後才決定要否入院求診。

昨天(2日)芯駖在社交平台貼出隊友當晚和她在後台慶祝生日照片,相中的芯駖臥在休息室,並表示痛到標眼水,隊友們則在旁安慰兼扮鬼臉合照。芯駖寫道:「台上第一個動作已經扭親條腰,覺得有啲唔對路,行位都有啲痛,我稱之為瞓捩腰嘅感覺,係演唱會嘅舊患。

盡力完成part表演,落咗台以為冇乜事,點知已經行唔郁,癱瘓坐喺休息室,標咗一個鐘頭眼淚水,希望冇嚇親大家,只係有啲痛。多謝大家嘅安慰同扶我返屋企。啱啱覆完診 途中仲爆咗軚,而家已經好返好多了,唞幾日就會冇事,多謝大家關心,會好好治療好快好返。」

(即時娛樂)

相關字詞﹕李芯駖