支嚳儀主導自己人生 被媽咪提醒娛樂圈浮沉不定 (16:29)

文章日期:2024年06月04日

「中一生」支譽儀(Venus)日前接受新城廣播節目《原來生活好快樂》主持程凱欣、麥卓華訪問,參加《中年好聲音》入行的Venus,入行前是一名創業家,在港開設烘焙店,並於馬來西亞和菲律賓設有分店,她表示:「零失手整蛋糕係我哋服務宗旨,希望今年可以喺加拿大開分店。」

Venus在好友王灝兒(JW)鼓勵下參加《中年好聲音》,她透露:「有次同佢食飯,我話《聲夢傳奇》真係傳奇,佢突然攞個手機畀我睇,裏面有張《中年好聲音》海報,我話會唔會係嗰啲師奶大變身搞笑節目?佢叫我自己報名,我就由零開始,一步一步入咗去。」

問她參加比賽最大得着是什麼?Venus表示:「喺參賽呢8個月入面,我搵到屬於自己把聲,以前唔知點發聲,但韋綺姍老師教我之後,咩類型歌我都試過。」Venus指新歌《Gotta Try》是其座右銘:「作為媽媽同事業型女性,自己嘅人生要自己主導。」

至於家人如何支持自己?Venus說:「我老公好低調,成日唔想上鏡,但佢私下畀好多意見我,例如呢首歌唱直播要點樣唱,作為聽眾,佢會覺得你咁唱會喘氣;我媽咪見到有啲報道會話為你驕傲,佢覺得呢個圈好浮沉,會提醒我當冇咗價值時,就將原有嘅能量去番自己事業。」

(即時娛樂)

相關字詞﹕支嚳儀 中年好聲音