吳日言（Yan）2016年與拍拖17年的男友Barry結婚，婚後育有大女Beatrice、二仔Zayden及上月20日才出世的孻仔。小一「統一派位」今天（5日）公布結果，Yan透露將於今年9月升讀小一的大女Beatrice獲派第8志願，但她與丈夫已決定一家人移居英國，讓3個小朋友接受更好的教育。
Yan在社交平台說︰「今日我對住Bea，忍唔住流下眼淚，Bea問我係咪唔開心，我話呢啲係開心嘅眼淚。今日小學排位大抽獎終於揭盅，想不到結果是......第八志願，所以我決定陪Bea去外國🇬🇧升學，今年九月就會正式入學。始終有三個小朋友，希望佢哋有更好嘅教育，我好有信心小朋友會好快適應，反而擔心嘅係我哋兩公婆，要面對一打三、起居飲食、社交、氣候... 今日呢一滴眼淚，當中有不捨亦有期待，為了下一代，我一定可以做到。#三寶媽媽 #我們這一家要走了 #七月咕嚕啦見 #一路寫一路喊」
Yan去年與丈夫已多次飛到英國探路，打算為小朋友的升學提供多一個選擇。孻仔上月尾才出世，Yan仍在坐月，因此與家人計劃8至9月離港。由於夫婦在香港仍有飲食生意，Barry將香港、英國兩邊走，她就當全職媽媽照顧孩子。
