沈貞巧李芯駖後援會向長者派福袋 Gao︰最好應援禮物 (16:13)

文章日期:2024年06月09日

女團COLLAR成員沈貞巧(Gao)及李芯駖的後援會,日前聯同社福機構向石硤尾區內長者派福袋,提早為他們慶祝端午節。兩位成員因事未能參與活動,芯駖稱平日也會做義工,也想捐出禮物給有需要人士。她說︰「感激粉絲用額外時間為有需要嘅人服務,希望佢哋多啲聚埋一齊,除咗支持偶像,都會做多啲慈善活動。呢排因為撞咗工作而參與唔到,希望下次可以一齊幫手,粉絲們要加油啊!每一個微小力量聚集,就會成為強大力量,將愛分享畀大家﹗」芯駖自言很愛吃糭,想學包糭,又透露曾一口氣吃過兩隻糭,飽足全日。

Gao亦感謝粉絲代表出力做義工服務,直言做善事已是最好的應援禮物。她說︰「好開心,因為好有意義!我上次同芯駖一齊去過做義工,今次就撞咗期而冇得去,如果未來再搞都想支持,因為一班人為同一個目標努力,係好開心嘅一件事!」Gao透露有令長者們開心的秘技︰「只要有禮貌、真誠嘅心就得。雖然長者們有時好可愛,但唔好當佢哋係小朋友,用朋友嘅方式相處,從談話中學到好多人生經驗。」

(即時娛樂)

相關字詞﹕沈貞巧 李芯駖