楊千嬅、陳慧琳（Kelly）昨晚（8日）演出《周禮茂作品展》時，不約而同遇上咪高峰故障問題，千嬅說︰「唱唱吓見觀眾向我揮手，覺得咁好嘅？個人好開心好安慰，點知突然間有個人衝出嚟，話我支咪冇聲。」千嬅自言久未在港演出，因此非常開心，期望能再在港開騷，惟自前年開始已入紙向紅館申請了8次檔期也不成功。她坦言對紅館有情意結，希望能申請到明年7月的紅館檔期，開騷慶祝踏入歌唱圈30周年。談到已完成天津及上海站演唱會，千嬅表示下月將放假一個月陪兒子Torres，她說兒子已是初中生，或會趁暑假入夏令營，自己已不年輕，會趁機好好休養身體，8月繼續巡唱。
Kelly演出時發現咪高峰故障後，索性在台上擺甫士，邊讓粉絲拍照邊等工作人員換咪，獲粉絲大讚「靚爆咪」。她笑道：「梗係最開心啦！20幾年經驗發揮晒出嚟，好在點樣都仲唱到，啲人鍾意睇點執生，只係小事。」Kelly跟千嬅一樣想開紅館演唱會，但申請2次也不成功。她說：「希望快啲申請到﹗我依家忙陪兩個仔準備考試，父親節都係食餐飯就算，考試緊要過父親節！好彩兩個仔、老公都冇乜所謂。」
