女團Lolly Talk今天（10日）到尖沙咀出席戶外代言宣傳活動，在炎熱天氣下又唱又跳，又與粉絲玩遊戲跳應援舞，成員黃詠霖（阿蛋）腳傷未癒，跳唱一首歌便要坐低休息，阿蛋說：「右腳之前做運動整親，腳趾有少少骨裂正康復中，需要啲時間，所以我要休息，平時行路要用拐杖，希望盡快同隊友練舞，𠵱家練住上身先。」
其他成員表示會助養腳傷影響工作的阿蛋，請阿蛋食燒賣及榴槤，黃敏蕎（阿妹）請纓負責孭阿旦開工，稱因與眾成員為拍攝拳賽節目努力操練，自詡可以孭阿蛋做100下深蹲。
問會否視英皇新女團VIVA為勁敵？她們均指大家都是參加《全民造星IV》的朋友仔，反而很開心在女團道路再遇見，很期待一齊玩，會互相應援。可擔心多女團爭工作？成員吳倩怡（Sinnie）說：「唔會特別擔心，可能鍾意嘈一啲嘅會搵我哋，因為我哋8個人，勝在夠嘈夠大聲。」
