莊思敏早前自爆在街上遭途人蓄意猛撞，嬲爆在社交平台連發兩帖文大鬧。她昨晚（11日）與妹妹莊思明及其男友楊明出席泰國電影《全職乖孫》首映禮，重提事件時仍然氣難平。莊思敏說︰「對方係一個外籍男人，唔可以話佢非禮，但一定係惡意。佢衝住撞到我半邊身，嗌住佢，佢都冇反應繼續行，當時以為佢偷嘢﹗」她否認衣著太暴露惹禍，強調當日身穿恤衫，一身正常打扮。莊思敏笑言︰「我要搵幾個男朋友護花，可惜未有對象。」
莊思明笑指家姐或因衣著打扮高調才出事，她不怕遇上同類事件︰「我平日打扮較低調，冇人認得我。可能佢大件，容易被人撞到。其實佢依家著衫都冇以前咁暴露，不過我都會勸佢出街時著多啲衫。」楊明被問到可有男性朋友給莊思敏認識說︰「介紹唔好嗰啲畀佢﹗講笑啫，好難介紹，要佢鍾意至得。」
