陳卓賢（Ian）將於7月在亞博舉行一連七場個人演唱會，而所有門票已售罄。Ian正積極籌備個唱，剛度過31歲生日的Ian，前天（11日）接受鄭裕玲（Do姐）電台節目訪問，談到入行後的生日跟以前有何分別？Ian說：「由細到大，對生日唔係好大特別概念，唔會約大班朋友搞派對，以前都係同家人食飯，最緊要約媽咪，生日唔係慶祝我出世，而係紀念呢日媽咪好辛苦生我出嚟，以往都係好簡單同家人食飯，我本身怕太多人。
上星期有朋友約食飯，食日式嘢要坐bar枱，突然間熄燈，我心諗做咩事，你哋（朋友）唔係諗住唱生日歌？原來係隔籬有客人生日，我話：『好彩，你哋（朋友）千祈唔好搞啲咁嘅嘢』，我塊面已經紅晒，我覺得有啲尷尬，等全場人同你唱生日歌，我話『你哋冇呀嘛？』佢哋話冇，點知隔咗10分鐘之後，又熄燈，原來今次係我，然後我塊面紅晒。」
今晚（13日）Ian在Ig貼出當天「社恐現場」的片段，起初店員捧蛋糕以為跟他慶祝，原來是跟鄰座食客，當時Ian已嚇親並說：「嚇死我呀﹗」豈料相隔一會，再有店員捧蛋糕，原來是他的兩位朋友為他送生日驚喜，Ian亦帶笑許願，其中一位友人笑稱：「每人一張飛。」
