王祖藍主持的綜藝節目《一條麻甩在東莞》今晚（15日）首播，祖籍東莞的他率先玩轉虎門，先到新港灣海鮮市場買生猛海鮮。祖藍穿上圍裙化身「賣魚俠」接受賣海鮮挑戰，目標是成功賣出黃皮頭和東風螺。他逢女士都叫靚女，逗得一班師奶非常開心。不過，祖藍數口有點差，將220蚊斤的黃皮頭講成120蚊斤，嚇到老闆急急更正。祖藍最終順利完成挑戰，獲老闆贈送大袋黃皮頭。他拿着黃皮頭去到市場旁的餐廳，請大廚加工烹調。祖藍品嘗其中一道菜「黃皮頭煎蛋」時大讚︰「每一啖肉都係黃皮頭一咬就散嘅肉質，再加少少胡椒粉嘅香味，我諗全世界只有虎門先有，今日呢個冠軍呀！」
