MIRROR成員姜濤、盧瀚霆（Anson Lo）獲邀飛往法國巴黎出席時裝周活動，跟從英國飛到當地的著名作詞人黃偉文（Wyman）一同觀看時裝騷。3人難得見面，活動後更一同食飯敘舊，大歎海鮮餐。
他們分別在社交平台分享一同睇騷及飯聚時的合照，Wyman說︰「上次3月倫敦茶聚已經開始夾時間6月巴黎食飯。結果又食到又食唔到又食到又食唔到反覆咗幾次，本身已經放棄咗，終於喺兩日前又突然『撈』得番（海底撈月個撈唔係𢱑撈個撈），大家犧牲瞓覺時間喺Paris食到過咗半夜...... 唯一尷尬位係，我負責book餐廳諗住請客，所以點菜時懶豪亂叫一通叫到成枱都係希望唔好待慢啲客人，結果臨尾俾人偷偷埋咗張單。下次無論喺地球上邊度偶遇，求吓你哋畀我請，好唔慣唔係有大食大畀年紀細過我嘅人請我食飯。不過，呢餐係開心嘅。」
Anson Lo留言︰「So happy to see you again﹗」姜濤則貼上兩個紅色心心Emoji圖案。
