艾粒（ILUB）將於9月5至6日在麥花臣場館舉行《艾粒旺角十大酷型頒獎典禮》，成員甄子康（少爺占）及唐劍康（當奴）將化身「可怕教主DT」及「JY大哥」帶團遊旺角。艾粒今年選址旺角開騷，原來跟他們剛出道時的歲月有關。他們說︰「嗰陣我哋成日喺旺角拍節目，希望借呢個特別嘅地方為粒粒粉（粉絲暱稱）創造更多回憶，而且麥花臣有與別不同嘅魔力，好鍾意騷前15分鐘仲可以去篤串魚蛋先入後台嘅感覺。」入場門票將於下周一（24日）公開發售，艾粒叮囑入場粉絲記得打扮成飛仔飛女︰「男嘅著瀨屎褲，女嘅著露褲袋短牛，最緊要靚過凱婷咁嚟睇騷！」
