MIRROR成員陳瑞輝（Frankie）的圈外女友Christy自從高調宣示主權後，以往在社交平台自爆感情生活混亂，自稱做小三、周旋在Frankie及隊友江𤒹生（AK）的帖子及對話截圖陸續流出，令不少網民嘩然。Frankie今天（20日）在Ig限時動態發文，強調是跟舞蹈員舊愛Hei分手後，才開始現在與Christy的戀情，惟未回應女友曾自爆感情生活混亂，以及曾周旋在他及AK之間的事。
Frankie說︰「最近一啲有關我私人生活嘅報導，為皮寶寶同支持我嘅你哋帶嚟困擾，我好抱歉。同時都想澄清，我係喺上一段感情結束後，先正式開始依家呢一段關係，希望大家唔好再作猜測。另外，以前嘅我，唔了解自己好睇嘅地方，喺舞台放鬆唔到，冇信心。我開心大家最近睇到我嘅轉變，睇到我自信咗，開朗積極咗，打開咗自己，俾到更多好睇嘅自己大家睇。我知道呢啲注意絕對得來不易，我嘅轉變我感受到，我知道大家都感受到。最後，感謝你哋嘅體諒同支持。我會繼續進步，繼續做好，成為一個更好嘅自己，去報答所有皮寶寶同支持我嘅你哋。再次感謝大家。」
相關新聞︰陳瑞輝女友再有舊帖文流出 自認做小三 玩厭後向男方正印公開關係
