女團COLLAR前成員蘇芷晴（So Ching）離開幕前後重執跳舞導師工作，亦不時在網上頻道分享新片，早前就為曾與舊隊友一同代言的飲料品牌新廣告排舞。So Ching昨天（11日）在社交平台分享為一眾廣告主角排練及廣告成品的對比片段，她說︰「經過幾個月嘅創作、訓練、彩排，加上Siu Yee Yau嘅幫手，呢隻年度廣告嘅舞，終於由諗法變成現實！睇住Class of '24同學仔嘅成長、進步及排練中互相扶持，最後可以完美地演繹好呢隻舞，直頭被佢哋嘅青春光芒閃親！一齊嚟睇下廣告成品同making of嘅對比，感受雙倍青春感動啦！」
