張敬軒昨天（12日）出席手機活動，大批粉絲一早到場，炎熱天氣下在戶外位置排隊見偶像。軒仔知道後十分內疚，決定重新制定接受工作邀請的原則，希望客戶能跟他一樣，以照顧好粉絲的原則下安排活動。
他說︰「噚日咁熱，一陣曬一陣落雨，大家喺度等咁多個鐘頭，見面就見嗰幾分鐘，我夜晚收工返到屋企自己一個坐喺度諗咗好耐，我好感恩，但係又好內疚。我同華仔、同歌迷會，會重新制定我哋嘅接受工作邀請嘅原則，如果會邀請大家出席嘅話，我哋同客戶都會以照顧好大家為Priority。多謝大家嘅愛，你哋嘅愛好偉大﹗ 多謝噚日到場嘅每一位朋友，你哋為我帶嚟嘅，遠比你哋自己想像到嘅，要多得多。祈求神祝福你哋每一位，今日係安息聖日，祝大家今日有平安、開心、健康﹗」
