梁思浩昨晚（22日）請來王晶擔任《直播靈接觸》嘉賓，梁思浩表示這輯添食後，還有最後3集，新一輯會於年底在另一節目《通靈之王3》之後，預告邀請「樂壇風紀」甄妮擔任嘉賓。
對於主持的網上節目《娛樂好好玩》經常爆料惹是非，梁思浩表示多謝大家關注，早前陳彥行認有另一半兼生女，梁思浩被指疑是爆料者，問可有和陳彥行聯絡？他說：「真係好耐冇見，可能人哋覺得我說話好直，話有男朋友或生小朋友要通知大家分享喜悅，係因為避免尷尬事情發生，就如龍婷原來有小朋友，都應該要通知大家，因為長期話自己單身，介紹人哋畀對方嘅被淋鏹水點算？」
他避談是否爆料者，只表示雙方沒有影響友誼，他說：「我只是忟憎，但唔等如唔當佢朋友，會有芥蒂，可以做朋友。」而對於直指楊思琦扮可憐，他強調是直話直說，在這行40年，只是將見到的人和事說出來，他亦有為炎明熹發聲。
王晶被梁思浩爆有「前世怨孽」，願意為對方放棄一切，問是否過往的緋聞對象或紅顏知己？他笑道：「好多年前啦，點講得邊個呀，係傳過緋聞其中一個，值得嘅，但我都咁老，幾十歲仲講咩吖？」他透露將會製作網上節目《王晶笑看江湖》，直言講得真話就不怕得罪人，還會分享自己的傻仔事。
