以張國榮（哥哥）為主題的音樂劇 《為你鍾情》，將於8月中假座西九文化區戲曲中心大劇院公演！黃劍文、葉巧琳、鄭俊弘、陳凱彤近日密鑼緊鼓綵排。
今天（29日）眾演員現身綵排，又唱又跳《大熱》、《無心睡眠》等經典金曲，黃劍文表示又跳又唱雖然有難度，但他盼做到100分：「最難就係跳舞，其實有啲歌我都好想唱，例如《有心人》，希望有機會再開Part 2時，可以加啲歌入去。𠵱家啲歌我都鐘意嘅，透過今次音樂劇會有更深嘅感覺。而陳凱彤表示未有舞台劇經驗，現時已掌握節奏。
音樂劇公演在即，但眾演員已心思思諗定慶功，葉巧琳爆料稱：「啲高層已經講好咗會慶功，但地點就未定好！」雖然大家都忙於綵排，近日港隊在奧運成績斐然，鄭俊弘捱眼瞓撐港隊：「今日就真係眼瞓嘅，因為尋晚等囝囝瞓咗之後，自己都唞一唞，半夜起身睇張家朗決賽，呢啲歷史時刻要見證。」
