梁思浩、吳家樂與江美儀主持網上節目《娛樂好好玩》，思浩以女團XIX成員莊殷玥（Vici）被經理人郭偉亮（Eric Kwok）踢走為話題，提到藝人與經理人之間，藝人父母介入其中的影響。思浩稱有女藝人帶阿媽開工拍電影，雖然只拍三日戲但有機會跟國際級影星合作，女藝人要拍勾引男角的戲，由於母親在場故表現尷尬。最後完成了工作，導演情願照支付酬勞但換角，全刪走該女藝人戲份。
吳家樂附和，指不少女藝人帶阿媽開工，自爆：「嗰陣時我哋開工，嗰啲阿媽最驚邊幾個呢？就係鄧兆尊、洪天明，同埋吳家樂！我哋跟女仔打招呼，嗰啲阿媽就攝埋嚟喇，好驚我哋呢三個人，可能我哋個底畀人劃花晒。」思浩在旁為這個阿媽最驚三人組排位，笑說：「驚洪天明多啲！」排位最驚是洪天明，鄧兆尊，還有阮兆祥。家樂補充：「阮兆祥冇我哋三個咁口臭，最口臭係我哋三個。」他們提到當年的水上遊戲節目，女藝人帶阿媽到場，洪天明想行近，便有阿媽挺身阻擋，問：「咩事？咩事？」
