MIRROR成員姜濤﹑呂爵安（Edan）和李駿傑（Jeremy）今晚（13日）開Live，跟粉絲互動，事後姜濤在Ig貼出精華片段，當中提到在Threads很流行的潮語"SLDPK"，不過姜濤毫不知情，不知道這個潮語的解釋，在旁的Edan就鬧着玩說：「SLDPK係乜嘢呢？照譯番呢就係『成龍打保錡』。」
姜濤聞言一臉疑惑，並說：「成龍係...打保錡？點解呀？」Jeremy先說：「總之好Hit啦﹗」Edan再說：「呢個冇深究呀﹗」姜濤再問：「個意思係乜嘢？個意思係乜嘢？」Edan和Jeremy有默契地一齊答：「意思咪係成龍打保錡囉﹗」姜濤聞言仍一頭霧水，他在Ig寫道：「我感覺跟唔到而家啲後生仔...第一次聽...終於明咩叫...#SLDPK #成龍打保錡」，他還標註吳保錡並祝他「早日康復」。
