姜濤早前推出由張繼聰作曲的新歌《Every Single Time》，張繼聰昨天（15日）在社交平台透露促成與姜濤這次音樂上合作的過程，他說︰「話說有日寫咗隻歌做咗個Demo，慣性心裏面都會有把聲同自己講，『幾好聽呀，不過啲後生會覺得好老土囉』。為咗驗證吓，我將個Demo send咗俾一位後生仔，希望佢俾啲意見。做人最緊要唔怕聽真話，最多匿埋喊吓。點知呢位兄弟，去緊旅行都即刻打俾我，佢話覺得好好聽，可唔可以用？」
張繼聰對姜濤說︰「姜，其實我好多謝你，多謝你用我嘅歌，紓緩咗我音樂上嘅中年危機。見到咁多人鍾意EST，好替你高興，亦都好榮幸可以成為一份子。P.S.做呢個Demo嗰時，幻想隻歌去到最尾我自己一個人喺度結他solo。睇完你嘅MV，見到你嘅solo，覺得仲正。希望有一日你喺度跳舞，我喺度彈結他。」姜濤回覆︰「我先要多謝你﹗」
