商台DJ黃正宜（阿正）將於11月假麥花臣場館舉行首個個人騷《正DIVA》，11月1日及2日兩場演出門票今天（21日）公開發售後迅即售罄，主辦單位宣布加開11月3日終極一場，門票明天下午3時公開發售。阿正興奮表示︰「我首先要多謝『痴飯』（粉絲暱稱）對我嘅支持，唔介意你哋好似睇Taylor Swift咁，撲唔到飛就喺場館出面等我㗎！其實我都想再開多幾場，不過都係專心做好今次呢3場先！」阿正已密鑼緊鼓籌備演出，她透露將於開騷前閉關一個月，屆時要向入場聽眾呈現最耀眼奪目的DIVA光芒。
除了加場喜訊，阿正亦宣布將以處女個人單曲《DiDiDiva》作為3場《正DIVA》的主題曲。首次挑戰跳唱的她邀得何秉舜（何丙）作曲及林若寧填詞。她被問到會否在《正DIVA》現場以特別舞蹈演繹這首全新唱跳快歌時說：「我都想畀大家睇吓，我點樣好似新歌嘅歌詞一樣『馴服世界上每一族群』。呢排努力練習緊唱歌跳舞，亦希望開騷嘅時候可以同『痴飯』玩番個Dance challenge切磋舞技，就好似一班朋友聚埋一齊玩嘅感覺。」
