李幸倪（Gin Lee）下周一（26日）37歲生日，她日前開生日會與200歌迷慶祝。生日會以「運動會」為主題，Gin說︰「延續奧運熱潮，同大家一齊做吓運動，健康啲，又可以同大家近距離接觸多啲，我覺得運動係好容易將人同人之間嘅距離拉近。」當日的比賽項目有單車、跳舞、射籃球、接氣球及空中飛索等，Gin亦有落場參與，挑戰跳舞及空中飛索兩個項目。「空中飛索」要求參與者坐在座位上沿着鋼索飛到盡頭，然後用腳撐牆回彈。Gin嘗試了多次卻未能成功回彈，她笑言︰「你個嘢壞咗呀﹗」她再次挑戰時不斷尖叫，被封「丹田吶喊界代表」。
切蛋糕前，Gin分享︰「話咁快就一年，我記得上年嘅生日會，我宣布會成立官方Fan Club，於是我哋有咗『GLFC』。呢一年來，真係一啲都唔容易，冇你哋嘅支持係冇可能實現到咁多唔同大大細細嘅目標，所以好多謝你哋。其實我10幾年前已經講緊呢個宗旨㗎啦，我嘅口號係『一起變好 一起變老』，我希望繼續喺呢個『GLFC』嘅大家庭裏面，同大家繼續一齊成長。」
