羅家英與粵劇才女謝曉瑩日前接受新城《原來生活好快樂》訪問，宣傳2人合唱的中華文化節新編粵劇《馬湘蘭》主題曲《金陵幽蘭》。
謝曉瑩透露家英哥是她和丈夫高潤鴻的「媒人」，雙方相識多年，故邀請家英哥合唱時，對方即爽快答應，她說：「搵家英哥合唱，因為佢係電影明星，又係我哋粵劇前輩，而呢首歌一半係流行曲，一半係粵曲。」家英哥表示一直支持新想法及新人。
主持程凱欣大讚MV好看，謝曉瑩表示是導演功勞，家英哥說：「導演好有心思，佢睇咗個劇本，再創作呢個MV，佢要求我戴頂帽，拍嘅時候佢叫我除低頂帽，一路企喺度唱，曉瑩就喺另一個角落，個鏡頭一路影，佢一路行過嚟，好似由呢個時空，去到另一個時空同我見到面，但冇接觸嘅，有一種無可奈何，好依戀感覺，係導演浪漫嘅情懷。」
