鄧麗欣（Stephy）昨晚（2日）出席電影《我談的那場戀愛》首映禮。Stephy於戲中演詐騙集團成員，她笑言不會因為拍戲，而變了戲中角色，自己一向以真誠打動人，不用騙人，對男友絕對真心，沒有騙過對方。
她指戲中角色愛情至上，不斷有不同男朋友，對每段感情都全程投入，問是否與現實中的她一樣？她說：「你又知嘅？呢啲叫真誠，對每個人真誠對待，係做人應該嘅宗旨。」
談到圈外男友被讚如韓星般靚仔，她說：「咁都睇到咩？咁遠？所以我話佢唔似Rain，因為眼睛大啲，佢好怕醜，不過畀人讚應該開心，我覺得佢似李秉憲同鄭雨盛，都比較成熟。」
她否認男友是健身教練，只是喜歡健身，她拒透露男友的職業，只稱和自己職業不同，她說：「都係朋友介紹，當初都冇諗過，好多人問我夾唔夾，反而唔同行業有好處，就係互相對對方行業好有興趣。」問到可有結婚打算？她說：「拍拖9個月咋喎！相處吓先，對我嚟講互相了解好緊要。」
相關新聞：吳君如出動私伙衫拍戲 MC對票房有壓力 未有資格傾片酬
