林盛斌（Bob）近日在社交平台貼出舊照，相中的Bob頭髮濃密，他表示拍攝年期應是他就讀中四﹑中五時期，當年的樣子和現時分別不大，只是現在是光頭Bob，他寫道：「其實個樣同而家冇乜分別，只係有頭髮，印象之中，應該係讀中四中五左右嗰期。𡃁仔扮大哥就係呢啲，着恤衫扣少兩粒鈕要見到個心口，要俾人睇到戴條金鍊加個牌好似撈得好掂咁，再手指尾戴隻戒指唔知為啲咩。」
不少圈中藝人都有留言，陳家樂表示：「其實你拍戲都成日有頭髮。」陳慧敏亦說：「個樣真係完全冇變，真凍齡！」蔡一智讚似Bob的兒子林道申﹑連詩雅留言讚可愛。
昨天，Bob貼出該舊照和早前關嘉敏扮譚輝智的照片拼在一起，表情毫無違和感，Bob寫道：「又張智霖，又溫兆倫，又呂方，又吳宗憲 ，又譚真一，又邰正宵，最離譜有幾個話係梁朝偉...其實最後根本就係關嘉敏扮譚輝智！又真係有啲似嘅講真，唔知拉姑（狄波拉）會唔會都做埋我fans呢？」照片引來兩位本尊譚輝智和關嘉敏留言，關嘉敏寫道：「我！笑！死！」
