葉泓聲（Gordon）與前女子組合Freeze成員陳樂榣（Ally）去年結婚及誕下女兒Gia，兩人昨天（8日）為Gia舉行生日會，會上宣布再造人成功，將兩年抱兩，預產期為明年1月中，預計可趕及追到龍B。
Gordon說︰「Ally知道我太喜歡小朋友，驚我遲啲又想再生BB，叫我要去結紥。3個夠晒數喇（連同陳樂榣與前夫的女兒Aria），我要更勤力做生意，連同演藝事業雙飛，等太太唔使咁辛苦。」Ally表示︰「我同Gordon一早共識想生兩個，再加上我個女就3個夠晒數。好感恩願望成真，依家4個幾月，已經照咗係囝囝，所以好開心，生完就可以收工喇﹗」
Ally讚丈夫細心、顧家，對兩個女兒一樣用心。她表示大女Aria已知道將再做姐姐︰「佢呢半年已經好接受妹妹，雖然口硬話唔惜妹妹，但主動話用零用錢買生日禮物畀妹妹。」
