張致恒（Steven）與太太區燕雯（雯雯）結婚5年育有4子，一家人陷入財困多年，多次在社交平台求網民幫助。Steven今年6月完成建造業強制性基本安全訓練課程，扚起心肝成為「職安真漢子」掙錢養家，惟尚未完全解決經濟問題。雯雯月初時曾公開炮轟丈夫冷血，見三仔天朗呼吸困難需送院也不理會，認為他仍有呼吸就沒問題。
今年2月尾時，雯雯曾在社交網透露其中一名兒子證實有自閉症兼過度活躍症。她昨晚於Ig限時動態出Post呻︰「今日為咗個仔打咗差唔多30個電話（心好累），香港對自閉症小朋友支援真係好大問題﹗仲有家庭經濟，我真係好攰，有工作但唔出糧，真係好頭痛！你講得啱，我又變番乞丐，冇人會幫我。」
有網民留言︰「我朋友個仔都有自閉症，每個月都要使好多錢做訓練。」雯雯同意道︰「問題所在。」
