王敏奕、周柏豪及鄭融今天（24日）到澳門擔任食肆開幕嘉賓，更即席炮製美食，見王敏奕身形弗了很多，她透露正休息為新劇角色作準備，更特別學打網球。
王敏奕表示放假難得陪老公曾國祥，不過老公周圍飛忙工作，她說：「中秋節冇機會家庭聚會，只同自己嗰邊屋企食飯，但爸爸老人病入院，好多家事處理，好彩所有嘢漸入佳境。」
問最近可有和老爺曾志偉見面？她指老爺很忙，是家人中最難見到。對於老爺捲入月餅風波，她不欲多談，只說：「我都唔識評價，覺得有新公司開係開心事，大家都支持佢做嘅所有決定，但我都唔係太了解嗰間公司佢係咪有份，當時有好多人參與，係好盛大嘅事，我梗係撐老爺啦！」
問可有參與推銷月餅？她即說：「冇呀！邊輪到我？」問有份參與直播帶貨，可擔心對自己有影響？她表示知道大家愛惜及支持她。至於可會再參與直播帶貨？她表明：「我仲係做多啲商業活動掙錢、唱歌及演戲，做啲自己叻嘅嘢！」
