張馳豪（Aska）推出親自操刀作曲的新歌《宇宙逃生口》，他表示歌曲節奏雖然輕快放鬆，但靈感卻來自一段傷痛回憶。Aska說︰「當初係想寫一首對比好大嘅歌，編曲好輕快，但歌詞其實好sad。歌詞係想講，當大家失去一段關係時，好似成個世界崩塌咗，失去咗個依靠企唔到起身咁，但之後發覺幾唔捨得都需要放手，自己搵番快樂先可以令對方，甚至令段關係快樂。大家可以想像呢首歌係一個人經歷失戀，用工作麻醉自己，將生活填到密密麻麻，然後發現唔可以再鑽牛角尖，一個人出走散心嘅感覺。」
歌曲MV在泰國取景拍攝，Aska首次到當地，半工作半遊玩，嘗盡當地美食，樂在其中。他透露︰「最初傾MV嗰陣，公司畀兩個選擇我，一個係愉景灣，一個係泰國，咁梗係揀泰國啦！其實泰國畀人嘅感覺好無拘無束，亦好貼合首歌嘅感覺，好似喺高速公路一個人揸緊車拋開煩惱咁。」Aska拍攝當日換上不同造型，拍攝時非常投入，拍到喊戲部分時更流出真眼淚。
