MIRROR成員柳應廷（Jer）早前被網民發現他和插畫師Coey在九龍城買電器，2人儼如夫婦一樣並肩而行，有網民指2人戀情浮面，甚至估計他們拍拖睇家電，是否已達同居階段。
昨晚（6日）Jer演出在會展舉行《MATCHICAL LIVE 2024》尾場，騷後受訪時，Jer表示知道和插畫師Coey行街被影到，問是否拍拖或同居？他說：「感情生活我盡量都唔講，因為好想大家專注番我嘅事業，總之感情嘅一律唔答，大家專注我嘅新歌啦﹗」問為何不效法呂爵安（Edan）鍾意就認？他笑道：「呢啲唔使同人交代㗎嘛！係咪先？」
Jer直言尾場狀態不好，唱歌只給自己10分、不過跳舞方面有60分，因日日在家中對鏡擺Pose，問在家練辣身舞，可有叫女友幫手？女友可喜歡他跳舞時咬唇？他只說：「感情嘅嘢一律不回答，多謝！」
相關新聞：柳應廷戀情浮面？ 被爆跟插畫師Coey拍拖逛家品店
