影評專頁踩賀歲片 稱睇了「0.7套」 張繼聰:最後一次睇你嘅Page (17:03)

文章日期:2025年02月05日

今年有3部港產賀歲片上映,包括由張繼聰﹑蔡卓妍﹑朱栢康和邱士縉等合演的《祥賭必贏》,梁詠琪﹑古天樂和周秀娜等合演的《臨時決鬥》及馬國明和高海寧主演的《麻雀女王追男仔》,暫時未有一部衝破千萬票房。

昨天(4日)一個以評論香港電影的Facebook專頁發文,勁彈今年香港賀歲片,指票房差是合理,該專頁寫道:「我自己只係睇咗三套入面嘅0.7套,純粹諗住應下節,但最後都要睇到我中途離場,真係差同尷尬到睇唔曬....

新年流流都要人發火,唔尊重觀眾,觀眾最後都係會離棄你。要搞返好香港電影,就係愈爛嘅牌,就要愈用心打,打爭氣波,但而家好似就係背道而馳,賀歲檔唔再係/唔應該係粗製濫造用嚟吸錢嘅工具,有麝自然香,拍得好就死都幫你推返生,要相信新時代觀眾嘅慧眼,差嘅就擺乜檔期都係曇花一現,搵咩人宣傳,都係死路一條。2025年對香港電影同戲院,都應該係艱難嘅一年,共勉。」

不過該專頁並沒有開名講哪一套賀歲片,有網民表示:「失望⋯你呢個專頁係講電影,覺得一套電影差都要有point去分析㗎?何況而家連戲名都唔敢公開,寫乜都冇用,亦對其他同期電影唔公平!」有份演出《祥賭必贏》的張繼聰也有留言:「今次係我最後一次睇你嘅page。」再附了一個揮手的emoji,不過亦有人留言:「今次之後我都睇你嘅page。」

(即時娛樂)