樂隊ToNick主音趙善恆（恆仔）由上月29日咳嗽至今未好，深呼吸時右邊身會感到痛楚。為免影響今天的兩場演出，他已看醫生及照肺部X光，發現右邊肺有陰影（俗稱「肺花」）。恆仔昨天（6日）在社交平台說︰「聽日有兩場show，仲咳緊，深呼吸到丹田嘅話右邊就會有少少痛同埋咳出嚟，頂硬上勉強應該唱到嘅，怕係怕影響之後，所以睇清楚。依家confirm咗冇中任何流感，但個肺花咗少少。我唔會失場，但可能會有少少失準，聽日見﹗」
恆仔公開其肺部X光片，他表示︰「1. 左邊無嘢，右邊有花。醫生話依家都好普遍，唔使太擔心。食足抗生素，準時食藥，瞓多啲覺，會好番。2. 幾萬種流感，全部Negative，但聽日同我影相都帶番個口罩。大家真係要身體健康，著多件衫，唔好凍親。冇咩就瞓多啲覺，流感高峰期過咗再玩過。#咳到橫膈膜都痛」
