前新聞主播黃大鈞繼2022年參演過ViuTV劇集《反起跑線聯盟》演記者Brian一角後，他再度拍ViuTV劇集，他在《弊傢伙﹗我要去祓魔》中，飾演「玄門正宗」辟邪隊第三區隊長「和久」，與演辟邪隊五番組組長「御前鐵馬」的柯煒林有不少對手戲。黃大鈞日前在社交平台表示，上次客串性質演《反起跑線》，今次在《弊》劇的戲分較上次多少少，角色設定和他本身亦大不同。
對於無端端走去拍劇，黃大鈞稱因為認識該劇導演戚家基（Peter），當Peter籌備該劇時，黃笑說：「預我一個角色客串下好喎。」結果Peter守諾言預他演「和久」一角：「仲話搵得我，就預我做一個同我本身完全唔一樣嘅角色，挑我機咁話。」
由於當時黃大鈞仍留長髮，成為他的顧慮，未知是否配合造型，之後他知道角色全程戴帽，長髮反而夾到日漫Feel：「聽Peter講，辟邪隊製服係有致敬《鋼鍊》嘅成份。不過著住件長褸都幾熱，而拍攝時戶外氣溫，成日都有廿幾三十度，咪話唔辛苦。仲記得拍呢場拉單春樹嘅戲，飾演辟邪女隊員嘅演員，都有少少中暑情況，好彩休息一下之後冇乜事。」黃大鈞盛讚《弊》劇是一套非常不一樣的港劇：「後期做咗好耐先至出街，保證你唔會失望。」
