唱作歌手吳林峰於西九舉行一連三場《吳林峰 To Be…演唱會》全場爆滿，除邀得林愷鈴任嘉賓合唱《攤手黨》外，MIRROR成員李駿傑（Jeremy）與柳應廷（Jer）、許廷鏗、DJ當奴、少爺占、Moon Tang、王雙駿等捧場！吳林峰去年堅持「每兩星期」創作一首新歌，在演唱會唱出27首歌曲，為這個創舉劃上完美句號。
吳林峰在台上公開多謝女友，感謝對方不離不棄，坦言過去1年「幾辛苦」，表示會珍惜對方：「來年都要做多啲騷、寫多啲歌畀人嘅！（儲老婆本？）女朋友好好啊，我哋都要儲錢...去旅行，老婆本就遲啲再講啦！」
今次個唱將去年作品總結，吳林峰感覺好輕鬆：「原來演唱會唔使揀歌係幾爽，不過都要將啲歌分類、編曲。搞呢次音樂會係好瘋狂嘅一件事，今日要開日、夜兩場，我都知要好大體力，出騷前都食咗好多嘢，一陣夜場開騷前會食多個飯盒補數。」
提到偶像方大同昨天傳出離世消息，吳林峰傷感說：「佢嘅作品影響咗我哋呢代嘅歌手，噚晚都有唱《好不容易》致敬，我知大家都好傷心，但呢日都盡量唔提太多啦。」
