鄭秀文（Sammi）宣布將於5月9至11日、16至18日在澳門威尼斯人綜藝館舉行6場《You & Mi鄭秀文澳門演唱會2025》，日前信用卡優先訂票反應熱烈，其餘門票將於後天（7日）公開發售。
Sammi多謝樂迷支持和愛護，承諾會盡全力做到最好，務求為大家帶來一場升級版的演唱會。她說︰「揀選威尼斯人綜藝館係因為佢可以容納到萬幾位觀眾，人數同紅館一樣，又可以整到四面台，成個設置比較貼合同符合我哋個製作。」Sammi透露澳門演唱會會在香港個唱的基礎上加入新元素，令未看過的觀眾能看到一個好的製作，看過的觀眾又有新驚喜。
造型方面， Sammi強調必定有新驚喜。她興奮表示：「呢方面我自己都好怕悶，會有啲唔同嘅造型。澳門站同香港站一樣，每一場都有唔同嘉賓，大家一定唔會失望。好多謝每一位接受我邀請嘅嘉賓，有你哋坐陣令到演唱會有更多火花，音樂上又會有多啲趣味。今次演唱會每一場都有唔同嘉賓，敬請期待！」
